Бусад мэдээлэл
Микро Кредит ББСБ болон банк санхүүгийн талаарх мэдээлэл
Шинээр нэмэгдсэн
Мэдээний ангилал
Монгол Улсын экспортын хэмжээ эхний таван сарын байдлаар өнгөрсөн оны мөн үеэс 40% буюу 1.4 тэрбум ам.доллароор буурсныг Гаалийн ерөнхий газрын статистик харуулж байна.
Үүнээс нүүрсний экспорт л гэхэд биет хэмжээгээрээ 2.4 дахин буурч, 6.3 сая тонн буюу 513 сая ам.долларын нүүрс экспортолсон бол түүхий нефтийн экспорт дөрөв дахин буурч, 671 мянган баррел болжээ.
Харин жоншны экспорт 15 мянган тонноор бага зэрэг нэмэгдэж, 237 мянган тоннд хүрсэн байна.
Монгол Улс 2020 оны эхний таван сард нийт 3.37 тэрбум ам.долларын экспорт хийжээ.
Хүснэгт. Экспорт 2019.06.01 ба 2020.06.01
| 20190601 (оны эхнээс) | 20200601 (оны эхнээс) | |||
| Барааны нэр | тоо хэмжээ | статистик үнийн дүн, сая ам.дол. | тоо хэмжээ | статистик үнийн дүн, сая ам.дол. |
| Чулуун нүүрс, мян.тн | 15,060.7 | 1,271.4 | 6,293.9 | 512.8 |
| Төмрийн хүдэр, мян.тн | 3,509.8 | 208.9 | 3,481.2 | 236.7 |
| Зэсийн баяжмал, мян.тн | 626.2 | 895.3 | 557.9 | 616.1 |
| Жонш, мян.тн | 222.7 | 75.3 | 237.0 | 60.5 |
| Цайрын хүдэр, баяжмал, мян.тн | 64.9 | 95.9 | 58.5 | 71.2 |
| Хүрэн нүүрс, мян.тн | 83.3 | 2.8 | 19.7 | 0.6 |
| Хар тугалганы хүдэр, баяжмал, мян.тн | 9.5 | 21.3 | 13.0 | 27.4 |
| Молибдены хүдэр, баяжмал, мян.тн | 2.3 | 20.3 | 2.6 | 17.7 |
| Түүхий нефть, мян.баррел | 2,649.2 | 151.2 | 670.7 | 24.8 |
Энэ долоо хоногийн Даваа гарагт (2020.06.02) Даляны түүхий эдийн бирж дээр төмрийн хүдрийн фьючерс тонн тутамдаа 108.92 ам.долларт хүрч өсжээ. Энэ нь тус бирж 2013 оноос эхлэн төмрийн хүдэр арилжаалах болсноос хойших дээд амжилт болж байна.
Өнгөрсөн гуравдугаар сараас Хятадын гангийн нөөц буурч тус улсын гангийн үйлдвэрлэл нэмэгдсэнээр түүхий эдийн эрэлт өсөж, үүнийгээ дагаад үнэ нь ч дээшлэхэд нөлөөлжээ. Өнөөдрийн байдлаар Даляны түүхий эдийн бирж дээр төмрийн 62%-ийн агуулгатай баяжмал нэг тонн нь 102.5 ам.доллараар борлуулагдаж байна.
COVID-19 цар тахлын дэгдэлтээс хойш Хятадын эдийн засаг аажмаар сэргэж эхэлсэн бөгөөд үйлдвэрлэл ч эрчимжиж байна. Гэсэн хэдий ч дэлхийн төмрийн хүдрийн хоёр дахь экспортлогч Бразилд коронавирусээс сэргийлэх хөл хорио нь тус улсын нийлүүлэлт эрс буурахад хүргээд байна.
.png)
